【Emily】恒大學生DIY桌遊 幫老友記「醒腦」防認障
【明報專訊】恒生大學同社企合作，搞咗個「Your Brainmate 腦玩伴桌遊社區服務計劃」，幫長者預防認知障礙症。十幾個恒大學生為長者設計咗本地化嘅認知訓練遊戲，幫佢哋提升記憶力同腦部靈活，長者玩遊戲嘅時候，可以回憶昔日生活嘅點點滴滴。恒大學生根據長者嘅興趣同需要，揀咗啲可以引起共鳴嘅懷舊元素嚟設計桌遊，例如圖中有學生將新光戲院、錄音帶同九廣鐵路等製成印章，長者要從中隨機抽3個，由學生引導佢哋講述印章代表嘅事物同回憶。