【Emily】物監局6新成員 一為立會參選人 有冇影響選舉？ 政府：要喺新任期前公布
【明報專訊】立法會選舉提名期前日結束，選委會界別由50人競逐40個議席，唔少係新人。政府噚日公布「物業管理業監管局」成員名單，包括6名新成員，咁啱其中一個係已報名參選選委會界別嘅范凱傑。對於此刻政府公布新公職對選舉有無影響，范凱傑話不便回應，要交由政府統一回答。民青局及民政事務總署回覆話，相關委任程序喺多個月前展開，物監局新任期由今年12月1日起生效，所以喺新任期前公布，又話政府以「用人唯才」原則委任物監局成員。