【Emily】陳茂波沙特sell港上市優勢
【明報專訊】特區政府近年致力開拓中東市場，正喺沙特阿拉伯訪問嘅財政司長陳茂波，喺利雅得時間星期二出席未來投資倡議大會，其間同多名當地政商領袖舉行雙邊會面，包括沙特阿拉伯副財政大臣Abdulmuhsen bin Saad Alkhalaf等。陳茂波喺中投公司主辦嘅商務研討會發表主題演講時提到，目前有大約300間內地企業正準備喺香港上市，其中唔少計劃拓展中東市場。佢話香港係「全球最自由經濟體」，不但係中企「走出去」嘅國際化集資同專業服務平台，亦係中東企業進入中國市場嘅理想門戶。