【Emily】港航20周年 飛機換新look
【明報專訊】香港航空正慶祝成立20周年，飛機都換上新形象。港航話第一架新塗裝客機即將登場，呢架A330客機換上全新紅白新裝，最突出係機底印上巨型嘅「Hong Kong Airlines」標誌（上圖），即飛機喺頭頂經過時，大家舉頭一望就知道係邊間航空公司嘅客機。港航話，大家見到新飛機時不妨同佢哋揮手say hi！港航早前公布推出咗全新企業視覺標識，目標於今年內完成4架航機噴漆，喺尾翼嘅視覺標識以「綻放（The Blossom）」為設計核心（下圖），話係象徵城市精神嘅紫荊花。