【Emily】提過路「黃盒」料下年換完 增讀街名校聲量功能
【明報專訊】大家過馬路時，會聽到黃色小盒裝置發出「噠、噠、噠」嘅滴答聲，呢啲係輔助視障者嘅過路裝置。運輸署自2025年4月逐步喺各區更換新一代電子行人過路發聲裝置，截至今年8月已完成800多個行人過路處更換工程，相當於全港四成。署方話更換裝置進度理想，預期2027年底前可完成更換全港約2000個路口裝置嘅目標。運輸署總工程師（交通控制）郭家駿表示，署方會優先更換較多視障者活動嘅地區，例如深水埗同觀塘。