【Emily】張宇人軟餐飯局 陳國基食雞槌鄧炳強食月餅
【明報專訊】立法會最資深議員、76歲嘅飲食界張宇人（圖左）雖然日前已經宣布唔再角逐連任，但一啲都無偷懶，近日佢帶不同官員周圍食嘢，噚日仲連走兩場，先同政務司長陳國基（圖右）去中環一間連鎖快餐店，同中西區長者食特惠下午茶，仲試食咗兩款4級軟餐（即糊狀），包括香草雞槌飯軟餐及瑞士雞翼飯軟餐。陳國基話，好高興見到商界關注長者健康生活，令有不同飲食需要嘅長者有更多選擇，讓患吞嚥困難人士重拾飲食尊嚴同樂趣。張宇人之後再同保安局長鄧炳強去另一間連鎖快餐店，同長者一齊食下午茶雞髀餐，兼試食月餅同壽包嘅軟餐。