【Emily】趁休會北上考察 林偉全啤酒口味 試試試

發布時間: 2026年8月24日 新聞來源: 明報 查看原文
語音朗讀:
1.0x
【明報專訊】立法會休會,有議員趁空檔返內地考察。本身經營新能源生意嘅商界議員林偉全走訪河北邯鄲,拜訪合作12年嘅生意拍檔,去咗國產精釀品牌「優布勞」啤酒廠。酒廠引入德國小麥同全套德國釀酒設備,曾奪得亞洲最佳酒廠冠軍,研發出幾十種中國特色口味。林話自己試咗十幾款,包括綠豆味同桂花味,形容「鬼佬涼茶」啤酒結合清熱解毒嘅綠豆「意外地配」。