【Emily】議員湖北睇無人機 葛珮帆讚軍地民協同
【明報專訊】身兼大灣區低空經濟聯盟創會會長嘅立法會議員葛珮帆，同議員林筱魯、黃永威等人近日去咗湖北武漢考察，行程包括到東湖高新區低空共享無人機應用示範區。試驗區今年1月全面營運，區內部署咗128套無人機自動機庫及186部無人機，有55種AI（人工智能）算法設計，涵蓋28種城市治理場景，包括公共安全、交通管理、環境水務，以及6種民生服務場景。截至5月，當地累計飛行11.9萬架次、總時長約2萬小時，成為低空科技應用公共基礎設施嘅案例。