【Emily】考察滬十五五 姚祖輝：與港定位互補
【明報專訊】政府提出「十五五」規劃對接，要求立法會協助徵集意見。立法會G19議員呢幾日就去咗上海考察取經。佢哋噚日拜訪上海市發改委，了解對方喺「十五五」規劃嘅編制過程與核心內容，有份北上嘅姚祖輝話交流會獲益良多，指上海喺「十五五」編制過程中嘅系統性與前瞻性，令佢深受啟發，形容上海提升內部發展，同時深化長三角一體化協同，目標清晰。姚祖輝認為，滬港兩地功能定位互補，香港嘅國際化平台與法治優勢，可與上海嘅科技創新與產業規模深度對接，喺金融、創科、人才等領域實現雙向賦能。