【Emily】喺聯國斥日罪行 陳穎欣獲官媒讚
【明報專訊】新華社香港噚日刊出工聯會立法會議員陳穎欣（圖）2000字專訪，讚佢3月份時喺聯合國人權理事會，以一身深色正裝，妝容清淡，眼神堅定，「90秒英文脫稿演講，譴責日本軍國主義罪行」。陳穎欣有經營社交媒體及搞網上直播，訪問稿就形容佢「視頻不煽情、不炒作，講國際時事、議會日常……」。陳穎欣喺網上一向「敢言」，不時月旦時事，好似2024年時，民建聯前主席曾鈺成撰文評論《基本法》23條立法，陳穎欣就喺YouTube個人頻道批評曾鈺成嘅觀點「令人搲頭」等。