【Emily】DSE音樂科考《四月物語》 林家謙覆考生帖文「有聲」
【明報專訊】中學文憑試（DSE）噚日考完所有筆試，考生終於可以鬆一口氣。有考生噚日喺Threads話「好感動」，事緣噚日音樂科有題目用歌手林家謙《四月物語》做考材，問最後一段副歌點樣營造高潮。分享嘅考生話，首歌對佢好有意義，仲吸引到林家謙本尊留言回應，不過就唔係「解卷」，而係將首歌前奏嘅幾個音，填上「出年 報dse 報dse 報dsE↗考試」。呢幾個音到後面歌詞「如何的開始 如何的啟齒 無人知曉的心意」都有用到。果然係音樂人。