【Emily】老友記入恒大玩地壺球 來一波跨代交流
【明報專訊】恒生大學自2019年起推行服務學習計劃，同本地非牟利機構合作，安排學生走入社區體驗，最近一批大學生就邀請咗一班「老友記」到訪校園，教佢哋玩手綿球、地壺球（圖）等新興運動，仲安排佢哋參觀大學嘅虛擬實境與大數據分析中心，幫佢哋戴上虛擬實境（VR）裝置，模擬走進古代中藥房，喺虛擬環境下了解中藥調製。參與活動嘅長者都話玩得好開心，感謝年輕同學陪佢哋。恒大就話，透過活動促進跨代交流，亦可以畀學生實踐課堂所學。