【Emily】煤氣公司Ig講探月 話中美日歐要搶佔稀土
【明報專訊】美國太空總署（NASA）相隔53年重啟載人探月計劃第二炮「阿提米絲2」號（Artemis 2）載人繞月飛行任務，巨型火箭噚日朝早發射飛向太空軌道，NASA網上直播，全球唔少人收看。探月工程同香港無咩關係，但煤氣公司推廣能源知識嘅Instagram（Ig）「能源百科 Energypedia」，就藉今次事件向公眾講解能源科普，話美國、中國、歐洲及日本等國都「開行turbo」爭上月球，唔係為咗上去插支旗揚威，而係因為月球土壤有稀土等重要資源，各國要「搶佔」飲頭啖湯。