【Emily】判囚杜渡被指仲教書 城大：已停課堂 學生收教授電郵 預告其他人接手3周
【明報專訊】城市大學經濟及金融系副教授杜渡（圖）租樓撻訂行賄，上周三喺沙田裁判法院被判罪成，監禁4個半月，獲准保釋等上訴。有城大生影相擺上Threads，話杜教授翌日繼續返學教書，有網民留言大呼震驚，話「邊間學校老師犯咗刑事仲可以繼續返工？」另有唔少人話杜教授「好努力繼續工作」同「佢對學生唔差」。城大上周六（28日）回覆查詢話「已暫停該教授的課堂」，校方支持守法循規，對教職員行為操守有清晰指引。