【Emily】為興趣「quit U」讀VTC 成工程師 尤德獎得主：真正想做嘅嘢值得堅持
【明報專訊】尤德爵士紀念基金噚日舉行第39屆獎學金頒獎禮，共有958個學生、4個學徒同5個在職者獲獎。26歲嘅羅子浩獲頒2025/26年度優秀學徒獎5000元，佢噚日同Emily分享感受，話中學畢業後升讀城大電子工程，「讀咗半年發現同我想讀嘅唔一樣」，毅然「quit U」退學，轉去職業訓練局（VTC）青年學院修讀屋宇裝備工程學高級文憑，並參加VTC學徒訓練，邊讀書邊返工，𠵱家已做咗機電助理工程師差唔多4年。