【Emily】陳紹雄外地入院 缺席財案宣讀 林哲玄會上閉目 「少少感冒」致歉
【明報專訊】財政司長陳茂波噚日去立法會宣讀《2026/27年度財政預算案》，幾乎全體議員出席，不過未見選委界別陳紹雄；據Emily了解，陳紹雄喺外地因身體不適入院，已經向立法會主席請假並獲接納。同樣身體不適嘅仲有醫衛界林哲玄，佢喺會議一度閉目養神，會後向傳媒解畫近日轉天氣「有少少感冒」。林醫生喺回應預算案記者會上再提起此事，話「向全港市民道歉，作為議員應集中精神」，自己返到辦公室有聽番預算案演辭。