【Emily】42議員行花市 最低消費888 多人買突 人均使咗1400元
【明報專訊】各區花市前日開鑼，42個立法會議員噚日下晝組成「花市團」行維園年宵市場，希望「帶旺個場」。立法會主席李慧琼話事前建議每個議員最低消費888元，寓意「發發發」，結果大家都忍唔住「加碼」，一行人行45分鐘，共消費近6萬元，即係平均每人使咗約1400元。議員兵分幾路，由李慧琼帶領嘅小隊先買年花，之後到訪學生攤檔，睇到有賣減壓鍵盤按鈕玩具時，現場有人提到議員要練撳掣，李慧琼聽完即刻「拍板」入手。