【Emily】議員關注郊野承載力 倡預約先去得
【明報專訊】早前長假期大批內地旅客湧去郊野公園及離島，造成環境污染。立法會環境事務委員會噚日開會，唔少議員關注郊野承載力，其中選委界別李浩然建議喺旅遊旺季，要喺網上登記或預約先可以去指定景點，不過佢自己都話，郊野公園係開放嘅，無明確出入口。佢又話係咪可以喺一啲行山徑分段設置檢測儀器，以便分級管理，初期喺高風險地點試行，然後逐步擴展。選委界別林筱魯就話，政府致力推動生態保育及生態旅遊，產生唔少容量問題，關注會唔會用科技去監管及控制容量，例如無人機。