【Emily】申牌落選曾搞罷駛 黃羽庭自組「的神」車隊
【明報專訊】近日5支獲政府發牌的士車隊投入服務滿月，問題仍然多多，繼續call唔到車，仲被發現有司機組「隊中隊」私下接客。Emily就聽到，有的士業界趁機另起爐灶，自組唔屬於政府發牌嘅「的神」車隊，同樣有自己call車App，而創辦人係香港無線電的士聯誼會主席黃羽庭。大家對黃羽庭呢個名可能都唔陌生，佢之前同多間新界車行合伙申請過車隊牌，最後落選；今年2月的士界醞釀罷駛5日反對網約車，佢都有份參與，但結果又宣布唔搞。