【Emily】休假兩日復工 何永賢「找數」出帖講安老 同僚畀like
【明報專訊】近日有消息稱短期內離任嘅房屋局長何永賢，上周四（22日）發文介紹長者安居設施，文末預告「稍後」再分享更多局方關心長者嘅工作。經過兩日因家事休假，噚日復工嘅佢就喺社交媒體「找數」，分享房屋署支援同便利長者措施，更承諾局方會同相關部門努力為「老友記」服務。帖文一出，文體旅局長羅淑佩、副房屋局長戴尚誠、關注房屋政策嘅立法會九龍西議員梁文廣等人都有畀like。港台主持車淑梅就留言讚何「好有心！支持支持！！！」。