【Emily】林定國夫妻檔跑渣馬10K
【明報專訊】噚日渣打香港馬拉松，唔少官員議員落場參賽。律政司長林定國夫妻檔跑10公里，林定國喺facebook曬成績表，以1個鐘10分鐘跑完，話順利完賽「大滿足」。長跑多年嘅副財庫局長陳浩濂就喺社交媒體分享完成人生第21次嘅21公里半馬賽事，成績2小時49分，Emily睇番副局上年資料，今年慢咗4分鐘左右。陳浩濂話滿意成績，最緊要健康完賽，第二日精精神神返工；佢亦貫徹賽後「電車上層測試」傳統，話欣喜跑完都有力行樓梯到電車上層。